arasa

1.  (etxeko bizitza)  izen · Apala, horizontalki jarritako ohol luzea, gauzak jartzeko erabiltzen dena.

2.  (etxeko bizitza)  izen · Platerak eta mahairako bestelako gauzak gordetzen diren armairua.

belaki

1.  (zoologia)  izen · Porifera filoko uretako animalia, azalera bati itsasita bizi eta mugitzen ez dena.

2.  (etxeko bizitza)  izen · Garbitzeko eskuko tresna biguna, xaboia edo bestelako garbikari bat bertara isuri eta garbitu nahi den azalera igurtziz erabiltzen dena.

burusi

1.  (etxeko bizitza)  izen · Ohean edo beste nonbait etzanda hotzetik babesteko erabiltzen den oihalezko pieza lodia.

errezel

1.  (etxeko bizitza)  izen · Oihal edo malgua den beste material bateko zatia, leihoak, ateak eta bestelakoak estaltzeko erabiltzen dena, argia iragazi edo espazioak bereizte aldera.

gazkutxa

1.  (etxeko bizitza)  izena · Gatza edo gazitutako janariak gordetzeko kutxa.

harriko

1.  (etxeko bizitza)  izen · Sukaldeko ontziak, platerak eta mahai-tresnak garbitzeko lana.

horma-altzari

1.  (etxeko bizitza)  izen · Horma bateko neurrietara espreski moldaturik fabrikatu den altzaria, hormara itsatsi edo iltzatzen dena.

hozkailu

1.  (etxeko bizitza)  izena · Hotza sorrarazten duen gailua; gauzak hotzean mantendu egiten dituen gailu edo ontzia.

jaki-toki

1.  (etxeko bizitza)  izena · Etxe batean, jakiak freskuran eta lehorrean gordetzeko tokia.

janaritegi

1.  (etxeko bizitza)  izena · Etxeetan janariak gordetzeko lekua.

kaidera

1.  (zub) (etxeko bizitza)  izen · Aulkia.

kikara

1.  (etxeko bizitza)  izen · Katilu txikia, kafea, tea eta bestelako infusioak hartzeko erabili ohi dena.

kisketa

1.  (etxeko bizitza)  izen · Ateetan jarri ohi den metalezko zilindro txikia, markora itsasitako beste pieza batetik sartuz, atea itxita eta beste aldetik itxita edukitzeko erabiltzen dena.

2.  (etxeko bizitza)  izen · Ate aurrean erantsi ohi den metalezko pieza lodia, hura gora eta behera mugituz eta horrela atean kolpeak eginez etxe barruekoei deitzeko erabiltzen dena.

koltxoi

1.  (etxeko bizitza)  izena · Plataforma bigun zabala, bertan etzanda lo egiteko erabiltzen dena.

lastaira

1.  (etxeko bizitza)  izena · Lastoarekin edo beste betegarri bigunarekin betetako zaku zabaldu, ohe gainean zabaldu eta bertan atseden hartu edo lo egiteko erabiltzen dena.

leiho

1.  (arkitektura) (etxeko bizitza)  izen · Horma batean egindako irekidura zabala, eraikin bateko barrualdea argitu eta aireztatu eta handik kanpoaldea ikusteko erabiltzen dena.

2.  (arkitektura) (etxeko bizitza)  izen · Delako irekidura ixteko ezartzen den zurezko edo beste material batez egindako orria edo orri multzoa.

lixiba

1.  (etxeko bizitza)  izen · Garbitu, arropa zuritu eta desinfekziorako erabiltzen substantzia likido alkalino eta oxidatzailea.

2.   izen · Aldi bakar batean garbitu beharreko arropa multzoa.

malguki-koltxoi

1.  (etxeko bizitza)  izena · Bigungarri gisa barruan elkarri loturiko malguki-sistema bat duen koltxoia.

mihiseria

1.  (etxeko bizitza)  izen · Izarak eta etxerako oihalak, orokorrean.

mustuka

1.  (etxeko bizitza)  izen · Hautsa kentzeko lumaz edo beste materialez egindako eskuila moduko esku tresna txikia.

oheburuko

1.  (etxeko bizitza)  izen · Oheburuetan jarri ohi den pieza bertikala, gehienetan hormaren parean jartzen dena, osagarri edo apaingarri gisa.

ostilamendu

1.  (etxeko bizitza)  izen · Etxeko altzari, tresna eta baliagarriak diren beste objektuen multzoa.

sukaltarri

1.  (etxeko bizitza)  izen · Sukaldeetan ontziak, elikagaiak eta bestelakoak garbitzeko erabiltzen den harri, metal edo zeramikazko ontzia, iturri batez horniturik egoten dena.

zamau

1.  (bizk) (etxeko bizitza)  izen · Mahaiaren gainean jarrtzen den oihal zabala, otorduetan mahaia ez zikindu edo besterik gabe apaintzeko jartzen dena.